独家丨36E波波化身美人鱼圣诞派福利 台庆夜惊鸿一露 扫低一众花旦

食住《野外步出》嘅回响，主持人方绍聪(奶仔) 喺《野外2》依然「自肥」，请嚟25位「女神」亮相，而之前爆乳现身台庆夜，扫低晒一众花旦拎埋「最有话题衣着艺人奖」，36E嘅黄婧灵（波波）会喺《野外2》中上演「巨胸美人鱼」大派福利，嗰集放喺12月21日推出作为圣诞献礼。面对观众期待拆礼物「惊喜」，波波都话好期待：「我细细个就成日幻想自己系美人鱼，今次梦境成真。」采访：方骞平 摄影：沈健程

内文：《野外步出2》共19集，逢周1及2晚10点半喺J2台播出，今次请嚟李静仪、江嘉敏、邓伊婷、傅嘉莉、林凯恩、彭慧中、陈诗欣、谢芷伦、蔡嘉欣、关嘉敏、黄婧灵（波波）上山下海介绍香港海陆空户外活动。其中新一代「TVB咪神」波波就需要扮「美人鱼」落水湿身，最爆系连吊带上身服都包唔晒波波嘅「饱满E奶」。


奶仔被「胸」目不斜视

奶仔坦言话被「胸」倒，全程只系望住波波对眼：「做主持人好惨，系最𥄫唔到嘢嗰个，因为全部工作人员每刻每秒都系望住主持人同嘉宾，我好大心理压力呀！不过当时听啲人话佢身材好犀利喎！都好嘅，最重要大家开心，有美人鱼陪大家过圣诞节好精彩呀！」对于被指「识食」，奶仔暗爽说：「唔系识食，做运动要咁着先至恰当，做人要做恰当嘅嘢，其实我都系为大家服务谋福祉，我唔拍大家就冇嘢睇，所以大家唔使嬲。我仲会发挥重要功能，啲有家室及有女友嘅男人会提出话『要睇奶仔讲行山，睇完带仔女去游山玩水…』所以我身边啲人妻都好支持老公睇，哈！」最后他都强调，节目中女艺人属「味精」，主旨希望由佢呢个住咗喺香港30几年嘅普通市民，介绍啲鲜为人知香港户外好玩好去处，同时带出环保讯息，而且希望观众睇到女艺人最「赤裸」一面。

梦想成真做美人鱼

另外，作为「圣诞献礼」嘅波波同样开心期待：「我都几锺意美人鱼，今次有机会上演都开心嘅，而且当日拍咗好耐系团队心血。」对于大家将个焦点集中喺她导弹身材上，她大方说：「我觉得有身材畀人讲总好过冇身材畀人讲嘅，身为公众人物畀人讨论吓都在所难免。其实性唔性感唔系由我嚟讲系人哋观感，最紧要健康有活力。」波波又自爆其实平时唔单止畀男仔𥄫，连女仔都会望吓：「我生成系咁都冇计㗎！唔通我切咗佢(胸) ，用叮当百宝袋收埋佢咩！所以我唔会尴尬。」