星宅大曝光｜杨诗敏珍藏郭富城闪咭 住村屋奉行断舍离

由郭伟亮（Eric）、黄芳雯（Paula）、霍嘉恩（Gracey）主持的香港开电视全新节目《星宅大曝光》，下周一（29日）播出首集，Eric与Paula走访了杨诗敏（虾头）位于清水湾的村屋住所，虾头表示对村屋情有独锺，除了可以养宠物外，亦可以享受大自然气色，展现了虾头镜头以外琴棋书画「平静」一面。虾头说：「我锺意住村屋，因为锺意蓝天白云，大自然吸啖空气都清新好多，我有少少难住番巿区密集式嘅大厦。」

虾头与妈妈同住700尺村屋，她表示：「同屋企人住，系超级大嘅学习，因为我18岁已经搬出去住，去啲男朋友屋企同居，避开家人，可能以前细个唔识点同家人相处，直至两年几前，机缘巧合地想照顾妈妈，初时感觉『呢铺大剂』，不过住落之后一啲事都冇，原来佢都好体恤、好开放咁面对（新相处模式）。」

虾头住所以简约风为主，奉行断舍离。她谓：「之前我系将所有嘢摆晒出嚟，会将啲公仔、玩具放喺个架度，但个架冇玻璃封住，摆到封晒尘，之前睇咗本书教人断舍离同收纳方法，于是我就跟住做一次。」虾头将所有杂物都收纳在胶盒，盒里不乏有记念册、旧戏飞以及大叠「郭富城闪咭」，期间虾头表示现阶段可以将其中一箱物品进行断舍离，Eric闻言笑说：「如果你系男仔，我会Expect呢箱系咸书！」Eric被问到有否储咸书，他说：「冇储过，全部都系借番嚟！细个时候冇咸书，全部都系睇我爹哋嗰啲，男仔好少储呢啲嘢，通常借人。」