独家丨姜涛「第九胎」揭盅零的突破跟AGA合唱新歌

2021-11-24 21:30

「人气王」姜涛喺今年8月推出新歌《Dear My Friend》，两个月后经已喺社交平台贴自拍照，预告即将推出「第九胎」新歌，又留言话：「九胎九胎九胎，满脑子都是你。」但就冇具体谈论有关详情，搞到「姜糖」鬼咁紧张，猛留言话好期待。直至本月初姜涛继续不停煲他的「第九胎」，留言话：「漫长的过程保持耐力慢工出细活」、「九胎录到一半发现一首很好听的歌，喉咙痒唱一下。」据知原来「第九胎」系姜涛零的突破，因为呢首系同环球唱作歌手AGA（江海迦）合唱嘅新歌《I Know》，亦系姜涛第一首同女歌手合唱嘅作品。而两人将于明晚（25日）录影《Chill club》，首次喺节目中现身献唱。

过往姜涛曾经同女歌手谢安琪、郑秀文、李幸倪（Gin Lee）、林二汶等合唱过，但就未试过同女歌手有合唱歌。据知，姜涛和AGA互相欣赏，姜涛亦很欣赏对方嘅音乐才华，更有意做埋AGA明年演唱会嘅表演嘉宾，现场献声。昨晚（23日）姜涛仲突然出IG Story，留言话之后开个直播和大家交代一吓之后的事情，但就讲明唔会系昨晚（23日）嘅事，令事件添上神秘感，而时间上正好同录影完《Chill club》，公开「第九胎」好配合。

姜涛在2019年6月单飞出道短短的两年，先后推出8首个人单曲《一号种籽》、《亚特兰提斯》、《一天多一点》、《蒙著嘴说爱你》、《孤独病》、《爱情签证申请》、《Master Class》及《Dear My Friend,》，其中《蒙著嘴说爱你》MV点击更突破千万，今次将推出第9首单曲，大家都相当期待姜涛将会唱咩类型嘅新歌！而喺呢个时候出歌可以跟AGA进一步推高人气，绝对双赢。