陈柏宇爱从失败得到吊瘾感觉 亲解攞奖让人觉得好寸原因

陈柏宇（Jason）将于下月10及11日在红馆举行的演唱会以「Fight For」为主题，Jason早前找来不同界别人士分享他们的奋斗故事，当中包括香港滑板运动员陆俊彦，更借机请对方教他滑板。
Jason有滑雪底子，所以拍摄当日跟陆俊彦学踩滑板时，很快便上手，在拍摄完成时已可以轻易用滑板落楼梯，就连陆俊彦都大赞Jason「有料！」不过Jason全程还是战战兢兢，更笑言既想戴头盔，更想戴护膝保安全，他说：「我宁愿俾人笑，好过整伤。」

二人一同踩板，双方都有挑战动作失败的时候，但陆俊彦仍然笑笑口，他解释道：「滑板系开心为主，就算失败都要开心，你要deal with（应付）佢，因为佢会一直陪住你，如果面对失败都系好唔开心，你就唔会锺意呢样嘢，因为你会觉得好辛苦。」Jason也很认同对方的想法，并说：「我觉得失败系一件好事，唔失败点样知道成功条路点行？我幻想唔到从来冇挫败感嘅话，会系点样一回事。有时失败都过瘾，因为会有种吊瘾嘅感觉。」

在失败的过程中，其实还要有一份坚持。陆俊彦自言那份坚持来自对滑板的热爱，因为锺意，所以才能做出成绩，成为运动员。Jason也分享了在歌唱事业上如何迷失，至找到坚持到底的经过。他说：「以前细个唱歌、唱K纯粹锺意唱，冇好努力去奋斗，好多时都系随遇而安，甚至成日睇唔起自己，觉得自己唱歌以外样样都掂吓，样样识少少，但唔知边样可以发展成一样事业。我由细到大都唔知点去坚持一啲嘢。依家做咗歌手，知自己唱得唔好，大家唔识睇嘅嘢我都识睇，知自己能力去到边，冇人比我更加觉得我渣。因为真系渣，所以先去学唱歌，但亦想收埋唔俾人知自己走咗去学唱歌，因为又惊变咗卖弄。」Jason收埋的，还有他的内敛隐藏个性。他说：「以前攞奖，有时人哋会觉得我好寸，想赞你，你都唔接受，但原因系我觉得我冇做过一样嘢系值得你去赞，所有嘢都系营造出嚟。」