独家│谈善言有同性老友好想成日见 杨偲泳初中曾收女同学玫瑰花

谈善言（阿谈）与杨偲泳（Renci）主演的同性题材电影《喜欢你是你》以学生恋情为卖点，由18岁演到30岁，两人唔当系同性恋电影，纯粹演一部爱情片。由于饰演的角色面对出柜冇经历好大挣扎，加上演中学生，她们认为只分到喜不喜欢，而唔系要摸清性取向。加上呢个世代，已经无需将性向放大讨论，重点是爱。采访：秦咏姿 摄影：谭壹致 Makeup：German Cheung 、carmencmakeup Hair：Larry Ho@Aveda IL COLPO、nickienick Wardrobe：Weekend Max Mara、Polo Ralph Lauren

阿谈喺戏中与Renci及陈健朗有亲热戏，阿谈表示冇尴尬：「同女仔拍好过同男仔拍，好舒服，大家又比较温柔。」而Renci都认同：「因为大家熟络咗，变相冇咁多避忌。」二人于戏中饰演同性恋者，问到怕唔怕被保守观众抨击？Renci高EQ回应：「拍任何题材都会遇到唔同类型嘅抨击。我冇太大担心，有人唔喜欢，都一定有人喜欢，注重喜欢我哋电影嘅观众就得。」阿谈则坦言有担心，但觉得唔应该因为怕受抨击，而避开演出某些题材的作品。

有亲密同性老友

《喜欢你是你》讲述两女角中学时的感情经历，原来Renci初中时都曾被同性追求：「有个女仔情人节送玫瑰花畀我，我当下反应纯粹系觉得有花收好开心，佢送完花就走咗又冇表白，但大个咗就估到，佢一定有个意思先会喺情人节送花。」而她亦冇明确拒绝对方，后来更成为好朋友。而外型较为中性的阿谈，亦分享读书时有好亲密嘅同性朋友，但冇界定系友情定爱情：「一路都唔觉得要区分同性恋同异性恋，纯粹系呢个朋友好熟，好想成日同佢一齐，或者你唔锺意佢同其他人一齐。」而呢种系咩感觉，阿谈冇再深究。