Kelly Online｜入境处处长 打第三剂科兴

为保护自己同身边人，政府呼吁市民接种第三针疫苗，卢骏梗系二话不说去打针啦。昨日去到北角渣华道体育馆，排队打针时，见到前面有几个人有讲有笑，有个官仔骨骨的男士，把声仲好熟悉，好似入境处处长区嘉宏，我心谂高官都咁亲民一齐排队打针？唔系啩。近啲睇吓，原来真系佢，即刻过去同佢打招呼。问区Sir嚟呢度做咩呀？佢答话系嚟打针，之前佢已经接种咗两剂科兴疫苗，今日再身体力行，响应政府呼吁打埋第三针科兴。问佢点解唔沟针? 区Sir话，之前注射两剂科兴后身体感觉良好，所以预约咗昨日继续打科兴疫苗。

倾倾吓就排到佢啦，佢临走之前仲叫卢骏提家人同朋友快啲嚟打针，话防疫抗疫，人人有责！「接种第三剂疫苗既可以保障自己，又可以保障家人同其他市民健康，帮助香港尽早走出疫情阴霾，令大家可以回复正常生活。仲有大家都想早日通关去旅行嘛！」有呢啲咁尽责又亲民嘅官员，认真唔话得！