亚视抽MIRROR水出男神炸鸡闪卡 用老腊肉追击小鲜肉
2021-11-18 19:30 
男团MIRROR人气高企，连锁快餐店近日推出闪卡，吸引「镜粉」系咁狂食炸鸡集齐成套。而亚视为咗宣传亚视手机App及串流平台而抽镜仔水，突然喺社交平台上载12位「ATV男星限量版闪卡」，用手持炸鸡嘅「老腊肉」追击「小鲜肉」。打响头炮嘅艺人秦沛、罗乐林、刘永和潘志文，第二炮系陈展鹏、林韦辰、袁文杰，后来仲追加「秦始皇」刘永、卢海鹏等，真系好鬼正，惹来网民热讨。
最搞笑当中罗乐林有英文名「LOKLAM」配合MIRROR队长Lokman（杨乐文），而秦沛嘅「你大我呀」闪卡款，底色更采用咗「教主」Anson Lo（卢瀚霆）专用嘅粉红色，网民起哄要求出埋黄浩然、吴毅将、张立基、陈庭威、何家劲等闪卡，仲话亚视「第一代教主」张立基同「教主」Anson Lo撞样。网民留言超级笑爆嘴，「没有姜B只有何B」、「无刘志荣算系点？」、「煎Pan洗唔甩亚视味」、「我想储呢set！」
關鍵字
最新回应