张敬轩自爆曾被阿妈要求投资性玩具　带富贵KOL雪姨睇楼获赞

张敬轩（轩仔）全新网上综艺节目《轩公敲碗》第二集昨晚（16日）上架，这次轩仔化身「一日限定地产仔」「轩公」，孖住有「富贵KOL」之称的雪姨去玩睇楼。

今集轩仔的任务要向雪姨推介三个分别位于西贡约四千尺的独立屋、西半山一千三百多尺的高层单位及南区约七百尺的中层单位的楼盘。睇楼期间，轩仔更揭露雪姨原来喜欢裸泳及「多人冲凉」癖好，无论是独立屋的泳池、还是私人屋苑的单位，雪姨不时表示自己喜欢裸泳，听到轩仔眼擎擎。二人说到投资之道，轩仔透露原来他的妈妈曾带过他到性用品交易市场，更着他要投资性玩具产业，雪姨亦表示赞同，认为这是十分有潜力的行业。

睇完三个楼盘后，轩仔表示带雪姨睇楼「压力大到不得了」，雪姨坦言轩仔令她大开眼界，自己学到很多，「讲真，我觉得而家成个youtube界嚟讲，带人睇楼，你真系最专业。」最后，雪姨更要给「一日限定地产仔」评分，「坦白讲，喺过去两年，我都睇过超过一百间嘅楼盘，work with过好多唔同嘅经纪，真系从来冇一个系（你）咁专业。你系会分析埋风水、连室内设计、装修所有嘢，真系太劲！你令我好有surprise。」不过对她脑神经最冲击的是，轩仔一定要听妈妈的说话，「做性玩具，真系唔好嘥咗嗰个天份。」轩仔无奈问：「我个天份喺边呢？你又冇见过我用。」雪姨马上「献身」，「我可以辅助你嘅。」轩仔呆着的同时又抵死地说：「喺业务上！你讲清楚啲，哗！我个心真系离一离呀。」对答超搞笑。