独家丨鼎爷讲到明唔闹得唔好玩 陈炜谭俊彦接棒斗厨艺
2021-11-05 01:30 
李家鼎（鼎爷）与萧秀香（三姐）于TVB的烹饪比赛节目《教煮争霸》中斗厨艺，稍后两人将会休战转做监场官，交由「煮得之人」陈炜和谭俊彦互斗，鼎爷与三姐只会从旁观战兼畀意见。向来坦白嘅鼎爷直言冇面俾，做得唔好照样狠批，如果唔玩得就唔好上节目！ 采访：方骞平 摄影：叶君海
鼎爷与三姐之前在节目中，分别以中秋团圆菜、蚝、鸡蛋及白饭、金耳、杂鱼等来展现功架，切磋过后宣告功成身退，交由陈炜和谭俊彦接棒，首场以时令蟹做题材考验两人厨艺，鼎爷与三姐只系隔岸观火。鼎爷形容新安排好有新鲜感；三姐话可以从中学吓煮新派菜。
三姐做到老学到老
作为监场官嘅鼎爷强调好有要求，「试食完后系好就好，唔好就唔好，我会好老实话佢哋听，同埋要加减啲乜较好，有乜手法及步骤出错…(唔怕尴尬咩？)我好坦白㗎！接受唔到唔好玩呢啲节目，不如返屋企自己煮！如果唔好我勉强话系好，对唔住佢亦对唔住自己，所以唔好咁样害人。」三姐知道鼎爷好坦白，其实都想对方有进步，要做到老学到老。另外，TVB大搞《男神厨房》，鼎爷同意要做多啲饮食节目：「唔怕得罪讲句，有啲人贪口爽包拗颈，餸菜系有好多变化，就算系炒冷饭都要睇吓炒得好唔好先？要观其色、闻其味、品其香，唔系放条菜入即食面度就叫会煮食。」
關鍵字
最新回应