【幸福儿童】大仔坐摇滚区第一排林宥嘉着背心屋企弹结他

2021-07-21 21:30

17年，台湾歌手林宥嘉同丁文琪结婚，18年儿子「酷比」出世，去年3月，女儿「Pippi」出世，凑成一个「好」字。

一家之主要出外赚钱养家，林太主力凑仔，但仍然有时间玩社交平台，内有「拎太太上菜」系列，又有「家中凑仔之日常」系列，两者都好睇，因为煮食类别唔难整，有简单制法不过冇材料数量，要自己预罗，煮开嘢应该冇问题，冇煮开嘅出街食啦。

另外凑仔类亦好睇，唔太见到小朋友个样，只见到佢哋食嘢呀玩呀画画呀淋花呀，但相片色彩好靓，拍摄角度亦唔错，总之，几好睇。

不过好少见一家四口照，寻日就难得Po咗一张，着住背心嘅爸爸弹结他，囡囡喺佢隔离，囝囝就喺佢前面，林太Caption咁样写:「酷比今天坐摇滚区第一排。#Pippi直接在台上？」

估到㗎嘞，可以咁近听林宥嘉唱歌，成堆网友排队留言表示羡慕。