吴彦祖实现愿望做赛车手 指老婆Lisa S.骑马仲危险

吴彦祖（Daniel）早年已跟太太Lisa S.及囡囡搬回美国居住，但因近年疫情关系，他未能返港工作，但与此同时却令他重拾赛车兴趣，甚至成为了职业赛车手，一切由零开始，好兄弟冯德伦即构思拍片纪录Daniel的转变及比赛过程，并找来担任《林书豪 Linsanity》纪录片导演Evan Jackson Leong帮手，制作成《吴彦祖的速度之旅》（Journey to Speed）纪录片。

Daniel已积极参加赛事，他谓：「今年参加咗六场团体赛，暂时我哋总成绩排第二位，希望可以一直保持，同埋以我咁新嘅车手，可以攞到呢个成绩算好好。另外年底会跟队友挑战一个叫做『Thunderhill Raceway』嘅赛事，需要连续25小时不停去比赛。希望大家睇完呢套纪录片，可以见到另一面嘅我。」但赛车有一定危险，Lisa可有反对？Daniel谓：「赛车系快，但唔算危险，起码我架车有防滚架、有头盔、有颈箍保护，相比Lisa去骑马得个头盔、跳马更完全冇保护，所以佢无特别意见。」

问到何时回港拍戏？广东话有否退步？Daniel表示：「如果有戏拍我会返嚟，但我惊自己接受唔到一个人喺酒店留21日，所以可能等多一年，唔使隔离就会返嚟。而家比赛有另一队对手系香港人，虽然我哋系敌对，但我一见到佢哋就好开心，因为可以同佢哋讲吓广东话，但始终少机会讲，系差过喺香港嗰阵。」而Daniel的短片每星期也会在Highlighter Channel播出的fb及IG播出。