独家丨导演陈雅莉赞周秀娜够瞓身 望《马达•莲娜》男女主角影展夺奖

周秀娜（Chrissie）及张继聪主演的爱情片《马达•莲娜》，由澳门土生土长的陈雅莉（Emily）编剧及执导，作为新晋导演遇着两个零架子主角，虽然年初在疫情下有如孤岛的澳门拍摄，但Emily这个第一次绝对开心难忘，而电影已入围多个影展，Emily最期望跪玻璃伤膝头也不理、瞓身演出的周秀娜和张继聪有好成绩。撰文：杜淑霞 摄影：叶君海

Emily在3年前已成功入围《金马创投会议》，当时已搵了周秀娜担任女主角，到去年底成功搵到投资者，她坚持女主角非她莫属，「呢个故仔我落笔写第一句『风姿摇拽女人着住旗袍，大家都觉得佢系性感尤物，佢笑面迎人去迎宾……』写呢句对白嘅时候，唔知点解脑海Chrissie形象出现咗，呢个角色要讲广东话好流利，但系要识家乡话，我知Chrissie系潮州人，同埋佢系个好倔强女人，睇落好硬正、好坚强，但系内心好脆弱，同报道见到Chrissie好似。」后来更多了个如哥哥耐心跟Emily沟通的男主角张继聪，「佢会同你倾，如果倾完你仲有啲导演嘅小任性同埋坚持，佢会支持你，同埋教咗我好多嘢，新导演可以同个咁close演员合作好开心。」

不理伤脚照演出

到正式拍摄，Emily更被Chrissie的瞓身演出吓到，「有场戏爆玻璃樽，佢要跪地跟住叫唔好，佢拍时入咗角色，完全系忘我，佢拍完个人系震，见到佢好痛苦，我好心痛系佢企起身时，发觉佢两只脚损晒，因为地下有玻璃有石头，我哋好惊同佢讲，佢话『冇嘢我唔痛呀！』拍佢报仇嗰场戏，有个动作佢俾人挞落墙，但我哋冇武指，佢会话『嚟啦唔好搞咁多嘢拍啦！』佢一撞真系个头撞咗落墙度，我哋全部人都好担心佢，佢好全情投入去做嗰件事。」



电影已入围意大利《远东国际电影节》竞赛单元及日本《日出国际映画祭》竞赛电影外，更成为《香港亚洲电影节2021》开幕电影，对于获影展垂青Emily当然鼓舞，但她更希望她形容如战友一样的两位主角可以有好成绩，「畀我反而系想观众睇见佢哋努力，佢哋可以获得一个认同咁系最开心嘅一件事。」