张致恒老婆列举十点反击网民：唔会畀任何人伤害我嘅小朋友

现年36岁的张致恒（Steven）今日在IG表示因为自己的负面新闻，令大仔在面试期间被幼稚园校长歧视，他一度怒斥：「难道我个仔就唔配读书吗？」虽然Steven已经关闭留言功能，但在网上依然负评如潮！到了晚上，Steven的老婆雯雯亦在IG限时动态出post反驳网民，她一口气列举10点逐一反驳，一方维护小朋友，另一方面当然力撑老公！

1. 我个仔冇报任何名校。
2. 我个仔冇报任何喺九龙塘嘅学校 。
3. 我个仔系未做任何学校嘅面试。
4. 身教系好重要，但系我个仔爸爸唔系杀人犯，佢只系犯咗10个有9个男人会犯嘅错，咁样并唔代表佢个仔一样 会犯呢个错。
5. 我个仔只有两岁半，佢将来会系一个点样嘅人冇人可以预知，所以冇人有资格去批评佢。
6. 如果一个小朋友连面试都未面，个校长就话唔收，咁样会唔会太过有问题。
7. 我哋从来冇渴望过一定要入呢间学校，冇接触过个小朋友就话唔收，我都唔会想我小朋友读一间咁样嘅学校。
8. 你哋全部都只系睇表面，只系喺度停留系一件2019年发生嘅事，而家都已经2021年，如果呢段时间你哋系有喺张致恒身边同佢相处，两年后嘅佢系一个点样嘅人，你就有资格去讲，但系如果你仲停留喺两年前，不如你而家了解咗先去评论咁多嘢。
9. 我哋系穷，但系并唔代表我个小朋友冇资格去读书。
10. 我系唔会畀任何一个机会有人可以去伤害我嘅小朋友。