Tyson Yoshi用玩具枪射女友 拍片笑出声Fans祝佢平安

Tyson Yoshi（程浚彦）近日系咁曝光，出镜多代表佢愈嚟愈搵到钱，但当事人就话好攰，好想唞唞：「其实有啲攰，想做歌，有时想录歌嘅时间都好似冇。我发现我系需要放假享受吓生活，虽然多谢大家对我嘅厚爱，成日搵我，但真系好攰，做呢啲都系想大家多啲留意我嘅音乐。」同埋，好多艺人入行目标都系买楼，好一个Tyson Yoshi就话想休息多过买楼：「休息好重要喎，我冇谂过买楼喎，可能想买车，最近使咗好钱喺Uber度，可能买车会抵啲。」

Tyson Yoshi一有时间就同女友去拍拖，其实拍拖唔需要做啲咩好惊天动地嘅嘢，行吓商场已经好Sweet，拍拖馀兴活动仲有射女友，无错，Tyson Yoshi买咗支玩具枪射女友，佢仲拍埋片兼放埋上网，段片仲好似听到Tyson Yoshi嘅笑声，索女友睇完有咩反应，留言「X nei」明啦，唔使解释啦。最好笑系Tyson补多张微笑相，相中写住:Still Alive(仲生存紧)，好嚣张喎。