胡鸿钧跳舞唔叻自信不难睇 唔明开骚点解要除衫

胡鸿钧（Hubert）作客TVB娱乐新闻台节目《StarTalk》，大谈开骚感受，直言出道近十年时机成熟，他说：「之前有好多人问我几时开骚，我自己都有心急，每一年都好想开，但要同自己讲唔好急，之前觉得自己仲未Ready，一路吸收、一路学习，到依家开始有信心企喺一个大型啲嘅舞台。2018年试过搞一个小型音乐会，其中一Part同嘉宾Dear Jane合唱，当时自我感觉良好，好High，但我之后睇返Play Back，发觉自己有啲失控，咿哇鬼叫同Over，欠缺大将之风，所以今次要提醒自己保持冷静。」

谈到事先张扬于演唱会上跳舞，Hubert说：「跳舞一定有，老实讲，我跳舞唔系好得！但我好自信咁话畀大家知，唔会难睇。过去我冇乜场合可以又唱又跳10分钟同劲歌热舞三四首歌，所以今次对我来讲真系一个挑战，推动自己进步！至于除衫，其实我真系好唔明点解开骚要除衫？大家到时入嚟睇就会知！其实都好彩之前拍电影做拳手角色，要喺四五个星期内由69公斤减到60公斤，依家会升咗1公斤，因为冇之前食得咁清，但就帮我开咗个头，我会Keep住操练同做运动，至少着衫好睇咗！」