裕美爆男友锺意在朋友面前露械 林妈妈跟前女友会夹计治林作

裕美和林作拍拖3年，虽然开始至今都不获林作妈咪Lily支持，但二人却愈来愈恩爱兼有默契，一于懒理林妈妈反对。裕美前晚（21日）接受黄婉曼（Icy）直播访问，被问到夹在中间的林作为何不做调停？裕美指林作的旧爱跟母亲关系亲密，所以当他分别跟妈咪及女友分享秘密后，两女会交流讯息，联成一线整治林作，令他孤立无援，虽然没有指名道姓，但似乎都是暗示麦明诗，因林作妈超喜欢麦明诗；而裕美是唯一不讨好林作妈的女友，她说：「而家我同佢妈分成两派，咁林作就可保留秘密，维持私隐度。」

裕美一直很包容林作的出位行为，「因为知佢目的，佢enjoy见报。」裕美仍有不接受男友的地方：「我最接受唔到佢成日露械，喺屋企唔着裤，即使我有女朋友同场，佢都系咁，佢仲会话自己下面啲毛啡色，剪啲放喺手，叫我女朋友睇。」裕美又大爆有次其母到访，想睇她家中小狗在浴缸玩水，林作竟全裸跳入浴缸浸浴，「我妈咪有睇到晒，林作唔介意，佢话人天生出嚟就冇着衫。」幸好未有吓亲裕美妈咪。

对于与林作妈咪未能破冰？裕美说：「我唔使讨好佢，我锺意做人实话实说，我而家搵钱多，林作话佢妈咪OK啲我。佢妈咪好讲条件，如果林作女友系博士，佢可以畀乜嘢你都得，学歴唔好，就要赚多啲钱，不过我努力做珠宝生意赚钱，唔关佢事。」裕美只想不求人下活得更好。

裕美近年做珠宝生意大有成绩，较卖保险的林作搵更多，她每个月都有给钱林作做家用。「我每个月都畀佢5到6位数字零用，佢就回番我1万，林作对钱计较，我使佢20、30蚊都要拎番。」裕美笑言只要一句「以后唔出粮畀佢」就可令林作乖乖收声。

裕美又爆料与林作性事不多，「我哋好pure，冇咩性生活，我望佢个样都冇需要啦。」可担心这方面满足不到林作，令他出轨，裕美信心十足：「咁又唔怕，佢对我透明度好高，手机、社交网嘅password都畀晒我。」在裕美心目中，林作也有优点：「佢系我识咁多个男朋友最锡我嗰个，我以前试过被旧爱打，但林作当我公主，同佢一齐我可以做番自己，佢乜嘢都将我排第一。」不过裕美的排位首选妈咪，她认为亲情最重要。