Juicy叮｜同事获赠手机壳强顔欢笑后丢垃圾桶 网民：真系唔可以熟

职场如战场？网民发帖，指送赠一名关系友好的同事电话外壳后，对方竟然即日就丢进垃圾桶内，还继续笑脸迎人，令网民十分不解。

网民在「香港讨论区」透露，同事为人好热情，所以跟对方很多话题倾谈，经常一齐食饭、放工，放假有时都会约出来聚会。

「咁我一直以为佢系真心同我做朋友，但我开始怀疑唔系」。网民得悉对方换了新手机，于是买了新的电话外壳给对方，对方收到时「仲好开心话佢好中意，系咁赞个电话壳好靓，我都真系以为佢真心中意.... 」

但网民放工时却望到，「个电话壳喺佢枱底个垃圾桶到，我唔知佢点解要咁做，如果佢唔中意点解唔同我讲，佢扔咗佢系咩意思？」

而网民翌日见到同事时，对方「仲扮无事咁同我讲嘢，但我觉得佢表面好不一，把口话中意，但转个头就扔咗人哋送比佢嘅嘢....」

有网民就奉劝「唔好太认真对待，同公司始终有利益冲突」、「佢又衰啲，掉都返屋企先啦。楼主你好后生，啱啱出嚟做嘢？同同事保持适当距离，同上司保持最远距离！！」、「有利益冲突，会俾佢出卖都唔定，楼主同佢保持点头朋友就算。出来返工就要做双面人，唔系自己蚀晒底」、「同事不是朋友, 你记住世上有两样嘢不可直视, 一系太阳, 二系人心」

不过也有人觉得，「唔系情侣，又唔系祈福，人哋送啲贴身嘢真系好恶心罗」

帖文转载自「终于明白点解唔好同同事太熟......」