许靖韵最爱一人唱K：丧跳自high冇人睇到

刚推出新歌《I'm Sorry》的许靖韵（Angela）日前到K场同fans唱新歌，虽然歌曲推出不久，但fans们都啷啷上口，她更大赞其中一位男fans唱得劲：「佢啱啱啲和音系啱晒㗎，好劲。」难得可以与偶像唱K，fans们当然相当兴奋，Angela去到其中一间K房时，两位fans十分雀跃，一边合唱一边自拍，在场工作人员见状，便示意帮忙，怎料fans竟说：「你唔好阻住我啦！」Angela听到后立刻爆笑，期间见到她们准备锁匙扣、曲奇饼和玫瑰花等礼物，氹得Angela劲开心！

活动结束后，Angela表示勾起她不少唱K的回忆，原来Angela读书时期试过为了唱K而欺骗妈妈：「嗰阵系疯狂到系lunch hour都会去唱K，因为lunch K系可以连埋食嘢，我哋学生就会觉得好抵。以前试过summer time学校早放，我特登唔同妈咪讲早放，就系为咗去唱K，唱到放学时间先至返屋企。」而唱通宵K更加是家常便饭，「夜晚七点开始唱，之后食K buffet，食完之后继续唱，唱到第二朝。同埋因为有时好似系过咗十二点之后，如果冇人用房，我哋就可以继续唱，嗰阵时成日都有呢啲唱通宵嘅情况。」

她又透露会经常一个人唱K：「录音之前唔知去边，于是去咗唱K，自己唱咗两个钟，当开声。我会一次过谂好晒啲歌然后点！自己一个人有好多歌想唱㗎！通常都系快歌，会跳埋舞自high，都冇人睇到，冇闭路电视㗎嘛，仲爽喎，哈哈。」