陈婉婷湿身拍广告嗌辛苦 曾被父母闹唔锡身

前TVB「御用丫鬟」陈婉婷（Hebe），与香佩汶（Monique）、Lina及小豆为其担任主播的直播平台拍摄广告，唯当日挂起风球加上连场大雨，令她们狠狈不堪，Hebe坦言由头湿到落脚，笑指充满「出水芙蓉」的美感：「其实大会都Call定车接我，但行去上车都搞到我湿晒，摄一摄冷气即刻头痛！嚟到现场摄影师都话我似『癫婆』咁，由内到外都湿到滴出水，湿身影相真系好辛苦，好在大家都够专业好快收工。」

Hebe坦言一早习惯打风开工，笑称曾被父母闹「唔够锡身」：「以前试过拍厂景由挂风球到落波都未拍晒，今次广告期都好赶，如果Delay都唔知几时可以集齐咁多人再影，所以都要开工！加上呢排我忙紧电影同电视剧，系开心嘅忙碌，所以唔想浪费呢一日档期。今朝我都把握时间开Live同网友见见面先出门口，突然多咗好多唔同国籍嘅Fans，特别系英美、东南亚嘅朋友，原来之前拍嘅广告喺当地刊登咗，所以努力系有回报嘅，更加唔可以比自己停落嚟。」