金刚回归TVB与余思霆主持节目 爆女方大把钱唔忧做

曾志伟和王祖蓝自从今年上任TVB高层后，先后邀请了不少昔日好友回巢，早前有传曾志伟邀请金刚回巢拍综艺节目，但当事人未有表态，反而与台湾女友小娴在垦丁大街摆档卖鸡翼，其后被网民嫌卖太贵而掀起风波。但原来金刚与女友摆档的同时，将会与余思霆在台湾为TVB拍摄全新节目，体验不同类型的工作。

昨日金刚与余思霆在台湾接受TVB娱乐新闻台的访问，听到思霆称呼自己做「大大大前辈」，金刚笑说：「乜嘢『大大大前辈』？系阿伯，传说中嘅阿伯！」之后思霆再说：「我好细个就听到你个名，啲人叫我要向你学习：『你睇吓佢，好大胆咁讲广东话，唔惊讲错』！」金刚抵死话：「吓死我，我以为啲人叫你小心啲金刚呢个人，好锺意媾华姐同港姐。」

金刚还说：「其实霆霆个名我都听过嘅，你唔好问点解，总之我就听过啦，同佢合作都几开心，因为佢系一个完全唔忧做嘅人，呢个系佢兴趣嚟嘅，因为钱多得滞，所以佢就冇所谓。」余思霆即时反撃：「你咁样讲咩意思呀？我好认真工作，咁样讲好似我好Hea咁。」思霆当然不认输，听到主持问她有否试过食金刚卖的鸡翼，她笑笑口说：「未呀，听讲好贵，我惊自己食唔起！」金刚就澄清：「其实唔贵嘅，一包200蚊（台币）5只，我哋自己煮㗎嘛，完全冇工场，买嘢就系咁，觉得贵唔好买，觉得平就买啦！」