张若希十八岁成人礼 获师傅唐韦琪送咖啡酒

唐韦琪(Vikki姐姐) 徒弟张若希(Cheyenne)上月30日18岁生日，经理人Vikki姐姐与公司同事、张妈妈为若希举行生日会，踏正凌晨12时，大家唱生日歌及切蛋糕之外，Vikki姐姐更特别为若希准备咗一瓶咖啡甜酒进行18岁成人礼，让她饮成人后第一杯酒！Vikki姐姐第一次鼓励她饮酒：「18岁成人啦！可以尝试饮啲酒，第一次饮酒，所以拣咖啡甜酒，比较易入口。」若希饮到醉醉地不时大笑又大叫：「我唔想变大人呀！唔要做大人呀！我要做细路！」

踏进成人阶段，若希表示一定要多谢妈妈，并搞笑说：「我觉得自己好叻，可以生存咗18年，时间过得好快，冇谂过喺咁复杂嘅世界可以生存到18年，我要多谢妈咪，我仲记得细个时，妈咪喂我食饭；幼稚园凑我返学，之后就读中学，辛苦妈咪及爸爸将我养大。」

生日愿望戒掉太执著
她表示生日愿望好简单：「希望自己唔好再咁低能，我已经18岁，但好多人都话我似10岁。仲有，我想同自己讲，想改掉所有坏习惯，我好执著，成日好似听唔到人家讲嘢咁，总之奇奇怪怪！」Vikki姐姐则祝福爱徒人生更精彩，继续坚持她的唱歌梦想及大学成绩优秀。