Lucy马骝上身食提子 被妈妈取笑「扮晒蟹」

李璨琛3岁囡囡李元元（Lucy），深得网民喜爱，好简单，造作得嚟又好鬼搞笑！Lucy妈将囡囡呢一方面发挥得淋漓尽致，噚日（6日）又喺社交网上载Lucy食嘢片段，Lucy妈写道：「天天练戏身体好。#演元之路」。

单单一粒提子，Lucy都可以食到古灵精怪、七情上面，重点系两母女都乐在其中，网民先至容易被感染跟住笑埋一份。不过，Lucy日后大个女，睇返自己食嘢食到一时乸埋口面，一时满足甜到漏；有啲时候就边食边扮李小龙，有啲时候睇落仲以为扮紧马骝、猩猩定系狒狒，唔知佢会好嬲定好笑呢？片中Lucy妈话囡囡「扮晒蟹」，有网民好奇问Lucy妈点同个女解释？Lucy笑住咁认真地回覆：「pretend to be a walking crab 咁样罗。」