【独家】Lucy返学阿妈寂寞到想喊　李璨琛老婆孤零零睇家品

上周终于开学了！李璨琛的3岁「网红囡囡」Lucy（李元元）今年入读幼稚园，返学首日仲好叻猪冇喊过，反而「李老母」梁志莹（Pae）就话冇得同囡囡玩，犹如「冇咗个女咁」，令她伤心寂寞到好想喊！日前，好Lonely的Pae独自现身铜锣湾，在Hea游家品店期间，经营时装网店的她不停覆Message，最终逛了不足半小时便极速离开。采访：梁志明

当日下午4时许，李太以一身「街坊Look」，黑Tee衬吊脚裤、脚踢凉鞋兼扎丸子头，独自在利园三期一间家品店HOMELESS闲逛。其间，挽住个绿色大袋的Pae，企喺陈列的餐桌前研究啲「双拼款」瓷器碗碟，睇咗冇耐便拎起部手机听Voice message，听毕她即眼定定又𢱑晒头，似乎烦恼紧唔知点覆对方。

站在铺头中间，来来回回覆了5分钟Message，Pae先得闲睇番啲家品，见她对5,850蚊的白色多层收纳柜及890蚊的收纳布篮特别感兴趣，未知是否想买嚟摆放Lucy的玩具呢？不过逛了约半小时，乜都冇买的Pae就两手空空步出商场，并走到街尾一边等车一边揿电话，未几便登上一辆深灰色座驾离开。