郑嘉颖《仁医》戴熊仔帽𠱁细路 寄语马明：做咗老窦你就明

郑嘉颖、马国明、锺嘉欣及周家怡等主演的TVB台庆剧《星空下的仁医》，将于本月18日首播，首条充满视觉效果的宣传片曝光，以动漫风格及真人实境拍摄，带出马明、嘉颖这两位星际使者肩负拯救人类的使命跟黑暗战斗的故事。之后镜头转到手术室场景，穿上医生袍的两人推门而入，以热血mode安慰手术台上的小朋友，期间嘉颖头戴「七彩小熊帽」𠱁小朋友，相当抢焦！彩蛋部分，马明问嘉颖：「话我哋劲过超人，会唔会夸张咗啲？」身为人父的嘉颖即回答：「小朋友系要𠱁嘅，第日做咗老窦你就明㗎啦！」

两人拍宣传片期间受访，马明笑指拍摄手术室戏份不简单：「手术室嘅戏真系要用好多时间拍摄，时间长过拍打戏，因为要好细致每个Step都拍晒，亦有医生监场，每个手势同Step都唔错得。」谈到二人继《铁马寻桥》后相隔11年再合作，马明笑言：「同识咗好耐嘅朋友拍，个默契好快会返番嚟。」嘉颖则谓：「佢讲咗好耐我哋班演员有冇缘份再拍番一套。如果系就拍喜剧，开心啲，又唔使咁辛苦。」