Jer仔女友突然感性 贴5年前旅行旧相多谢男友

MIRROR虽然好红，但冇话收埋女友唔讲得，而家Fans好明白事理，最紧要偶像开心，长情专一仲会加分添，好似阿Jer(柳应廷)咁。阿Jer曾经喺访问讲过为令女友Kelly安心，一唔使开工就会畀晒啲时间佢，之前《头条娱乐》就曾影到阿Jer同女友去行街Shopping，讲得出做得到，阿Jer真好。

寻日，Kelly突然感怀，在社交平台贴咗几张同男友5年前去日本旅行嘅相，留言，「嗰阵时去东京迪士尼系15周年，而家眨吓眼就20周年，我相信大家系呢个地方感觉都冇变到，依然单纯，可爱。」所讲嘅单纯可爱除咗讲主题乐园外，应该都有啲暗示同男友嘅关系，仲话「一直以来都系一个好感性嘅人，好多时候都会直接将嗰份情绪表达出嚟。经历越多，越收埋自己，从来都唔想发生系自己身上。今晚情感尽现，因为睇到一条小小嘅片段令我谂起大家嘅所有回忆。多谢你。」呢个你当然系阿Jer啦。

Fans见到都赞Kelly好Sweet，仲祝福佢同阿Jer永远幸福快乐。