独家│有楼有生意大把Job 50岁小仪悭家买特价短裤

50岁的阮小仪被封「黄金剩女」，有楼有车仔面店又有大把出镜机会嘅当事人强调单身都可以好快乐。冇拍拖11年嘅小仪近年情倾MIRROR嘅吕爵安(Edan)，开到口锺意，难得ViuTV有人收到仲开埋节目畀佢两个一齐做节目，变身「正印」嘅佢好得「爵屎」(Edan Fans称呼)欢心，冇男朋友又点?有Edan又有一班同道中人，最紧要攞正牌收钱同Edan做节目，有咩爽得过咁呢?采访:谭壹致

日前下午两点几，小仪独自去又一城行街，佢先去UNIQLO睇衫，见佢系咁行，双眼好凌厉咁望到实，务求唔好错过任何啱佢嘅衫同裤，行到挂短裤嘅位置即停低，见到短裤有会员限定优惠，原价$149，特价$99，仲有多色选择，小仪即刻拣咗几条，有啡色有灰色又有黑色，多几条替换，成日落雨晾唔切都有裤着啦。

果酱买得好
拣完试完畀埋钱，小仪边讲电话边行去马莎，马莎超市最出名嘅薯片同糖佢冇买，反而去拣果酱、饼乾同茶包，买晒都唔使150蚊，每个位置都停留一阵，一脸心大心细，睇嚟冇买开，想买嚟试吓。拣咗半个钟终于拣到心水，畀完钱就行去停车场攞车走，见佢上车后都Hea咗一阵先开车，睇嚟见攰喎。