Edan自称大只咗但同AL冇得斗　Jeffrey拍游水戏经常湿发搞到头痛

吕爵安（Edan）及魏浚笙（Jeffrey）今日出席活动，继续吸引数百粉丝到场，Edan到场后识做地走近粉丝挥手，二人在店内拍照，其间有男粉丝大叫Edan，全场起哄。

问Edan饰演「田田」后是否吸纳不少男Fans？Edan笑言：「冇特别留意，有男Fans亦好开心，证明我哋唔只得躯壳，佢哋都会欣赏才艺。」Edan也指Jeffrey有很多男Fans，Jeffrey亦好开心有男女Fans支持。两人现时忙于拍摄剧集《i.SWIM》，努力操泳术和做Gym，Edan自言大只咗好多，又指Jeffrey大只得夸张，Jeffrey表示一星期操5日，因为肥底若不操练会变肥。问有否留意卢瀚霆（Anson Lo）担任内裤模特儿的骚肌照？Edan表示：「有留意。（觉得如何？）大只过平时，我都觉得哗…好大只，犀利嘅。（会否斗大只？）冇得斗，有得斗都想斗。（MIRROR之中边个最大只？）MIRROR之中Stanley就最大嚿，好Fit。」问到拍摄游水戏份是否很辛苦？Edan坦言游水场口比较辛苦，由朝拍到晚不停重覆浸水上水感疲倦；Jeffrey则表示长期湿着头容易头痛。

另外，谈到有报道指MIRROR疑遭港台抵制，未有播放他们的歌曲，Edan说：「有睇相关报道，应该冇呢回事，可能纯粹对音乐品味唔一样。我哋冇特别留意有冇上榜，最紧要做到音乐，自己尽力去做。（对新人奖可有信心？）冇谂太多，出歌唔系为奖项，目前准备第三首歌，想大家喜欢歌曲多过攞奖，平常心啦。」谈到美国也有粉丝应援自己，Edan表示估不到，感谢粉丝咁有心，希望疫情后可以去唔同地方跟大家见面。