Kelly Online｜李国宝气场劲 获奖掌声雷动

乜嘢叫做江湖地位？呢样嘢系无形无色，如果用中国古老讲法，就彷佛有道「气」，有种「势」，唔系话你想有就有，系长久累积至可以「修成正果」。昨日，东亚银行主席李国宝就充分反映佢嗰种江湖地位，同埋呢道「气」。

话说昨日由银行学会主办的香港银行家峰会有一项颁奖环节，颁发「荣誉银行专业会士」，有多位资深银行家获奖，宝哥哥亦系其中之一。不过，在宣布颁奖给宝哥哥时，现场观众掌声雷动，历久未衰，把气氛推至高峰。

本来，个个获奖银行家都系行业出类拔萃人物，人人获奖都得到现场热烈拍掌祝贺，但到宝哥哥获奖时，掌声特别热烈及持久。宝哥哥一向斯文有礼，亦唔会话要特别出风头，但佢嗰道「气场」就自自然然令现场人人肃然起敬，不期然特别大力拍掌。

宝哥哥嘅「气场」唔单止令观众热烈鼓掌，而且那道「气」亦令一众监管机构高层一个个乖乖地留在现场，唔会提早离开。到宝哥哥离场后，监管机构高层才一个个匆匆离开，反映大家对佢老人家极为尊重。