193被心理学家睇穿逃避网民攻击 即场爆喊爆粗

男团ERROR成员之一郭嘉骏（193）早前因出言寸TVB，结果被网民力捧，但其后又因在网上公开闹在其网店买衫兼要求退钱的顾客，遭受网民攻击。本身在英国读心理学的193近日为YouTube频道ACOO担任心理学家，对象是他一直认为很在意外界评语的队友何启华（阿Dee），193坦言自己亦曾很在意外间的声音，及后选择不看不听，他说：「我当初太在意别人评论，如果我唔乱讲嘢，就唔会将真实嘅谂法讲出嚟，就唔会有今日咁多人follow我哋，唔会咁多人翻睇ERROR啲旧片！」

不过，其实在场有另一位心理医生Natalie，她观察后反指193其实依然在意评论，为此193谓：「我就系在意，所以我唔睇，唔睇就唔需要在意，我就活得开心啲，呢个系我自己得出嚟嘅结论。」由此看得出193只是选择逃避，并非去面对现实。

Natalie随后播出193当年参加ViuTV节目《全民造星》中演唱《我的快乐时代》片段，193随即开始喊兼爆粗：「又播呢啲片？X街。我睇番我系另一个我，唔系当初嗰个我。好似最近我去红馆做嘉宾，我听番都觉得自己唱得几好，同当初嗰个我真系完全唔同咗，但人哋可以一句嘢抹煞你，可以话：『你都系因为一句寸咗隔篱台就红咗！』佢哋抹煞咗我呢三年嘅努力，所以我先唔想睇啲咁戆X嘅comment，因为我知道自己入面系啲咩，所以都希望我身边嘅人唔好介意呢啲comment，唔好被影响。」

阿Dee其后出场安慰193，指他已经是一个更好的郭嘉骏，193闻言后再度爆喊，阿Dee又形容193：「只系着咗成年人盔甲嘅17岁男仔。」最后193坦言近月转变太快，自己未必很适应，他又认为由于不能满足每一个人，因此首先要满足自己，过到自己标准便可以。