独家丨林作多谢「恩人」锺培生畀钱佢使 收到94万拳酬期票中秋夜庆功

2021-09-23 00:15
林作喺中秋节晚上急不及待同团队庆功,仲风骚多谢「恩人」锺培生畀钱佢使。
林作喺中秋节晚上急不及待同团队庆功,仲风骚多谢「恩人」锺培生畀钱佢使。

林作及锺培生的「百万大战」上周六结束,锺培生未能兑现首两回合KO拳击新手林作,最后打足四回合以点数赢对方。周二中秋节当晚,林作设庆功宴多谢向柏荣教练团队,还识做地送上一张嘅8万8千8百期票畀师傅,并为拳赛作结说:「我梗系赢晒!客观嚟讲佢系畀钱我使嘅恩人,仲搞千万拳赛嚟捧红我!」采访:方骞平 摄影:叶君海

林作喺中秋节晚上急不及待同团队庆功,仲风骚多谢「恩人」锺培生畀钱佢使。
林作喺中秋节晚上急不及待同团队庆功,仲风骚多谢「恩人」锺培生畀钱佢使。
94万期票

林作已收到锺培生拳酬期票,扣除林作买飞钱只得94万多,预计今朝过户,明天入到数。
94万期票 林作已收到锺培生拳酬期票,扣除林作买飞钱只得94万多,预计今朝过户,明天入到数。

当晚出席庆功宴还有林作师兄李俊亨(Henry)及为他打气嘅女友裕美。林作乖巧地递上猪肺汤慰劳向师傅,又送上支票,𠱁到师傅笑到见牙唔见眼,随即加句:「多谢锺生!」

最快周五先收到94万

虽然拳赛后嘅林作尚未回气,面上仍见伤痕,但讲到得到百万拳酬仍难掩兴奋:「𠵱家等紧锺生找数,我喺本周一(20日)经已上咗去锺生办公室拎支票,扣除买拳赛飞钱,锺生个秘书好友善咁畀咗张$943,440期票畀我,我秘书今朝一早会去银行入数,最快周五先收到钱。」在旁向师傅问:「唔系拳酬同飞钱分开计,唔应该咁扣数㗎咩?」Henry也忍唔住说:「条友度(缩)怕林作走飞数!」林作笑笑口说:「咁应该攞住100万『靓仔』啲,不过,佢曾讲过话以优惠价卖飞畀我,𠵱家竟然收返正价,算啦!冇所谓我接受,冇投诉!」团队即取笑林作未收到钱,继续收声。

感谢教练

林作写咗张8万8千8百期票慰劳向教练,但补充句:「如果锺生听日唔找数,就变咗骨牌效应喇!」
感谢教练 林作写咗张8万8千8百期票慰劳向教练,但补充句:「如果锺生听日唔找数,就变咗骨牌效应喇!」
慰劳团队

林作未收到拳酬,中秋节晚已急不及待宴请团队「食好西」。
慰劳团队 林作未收到拳酬,中秋节晚已急不及待宴请团队「食好西」。

网民大比数撑佢赢晒

林作引用第一次世界大战后邱吉尔嘅金句解释:「战后要对敌人慷慨,更何况我经已攞尽光环,网上99.9%都系撑我,我好满意畀返0.1%credit佢!客观嚟讲佢畀钱我使系我恩人,多谢佢畀呢个机会我,尤其由负面形象转做正面,仲用千万制作拳赛嚟捧红我!所以今次得着好多,全面赢晒,佢真系一个大慈善家,系我再生父母,师傅预判得好,如果佢跌落我哋心理及战术圈套就会一面倒,我谂佢都估唔到会咁插水。」

锺培生战术错打得渣

向师傅做咗份赛后统计数据资料,指林作四个回合共打出121拳,清晰击中锺培生40拳,破坏性有7拳;至于锺培生四个回合共打出184拳,清晰击中林作40拳,破坏性有7拳,林作只系输主动性,所以指锺培生打得好渣,战术又错晒,唔应该唔限对手体重,而且体力差又沉唔住气:「佢第一回合狗冲耗尽体力,所以我叫林作食肥啲,去到第四Round锺培生因为太攰,被林作呢嚿肥猪肉压住都冇晒反抗能力。」对于网民指林作系「Running Man」唔收货,向师傅强调:「世界级都系咁走咁避㗎啦,只系佢『陀地级』唔够靓仔,其实得半年时间做到心法经已好好。」Henry就不满锺培生下巴轻轻,两次向他挑机都走数逃避交手,唔系武者所为!

孺子可教

林作送上白汁猪肺汤孝敬向柏荣师傅,获师傅赞乖仔,孺子可教!
孺子可教 林作送上白汁猪肺汤孝敬向柏荣师傅,获师傅赞乖仔,孺子可教!
大晒恩爱

林作喺庆功宴上风骚地同裕美公开亲热,大晒恩爱。
大晒恩爱 林作喺庆功宴上风骚地同裕美公开亲热,大晒恩爱。
食客无视

「林锺大战」直播最高峯时有2.8万人同时收看,但当晚林作行入食店,冇乜食客留意佢。
食客无视 「林锺大战」直播最高峯时有2.8万人同时收看,但当晚林作行入食店,冇乜食客留意佢。
虽败犹荣

林作、锺培生嘅「百万大战」,林作顶足四回合只系输点数,虽败犹荣。
虽败犹荣 林作、锺培生嘅「百万大战」,林作顶足四回合只系输点数,虽败犹荣。
受皮外伤

林作话当晚只系受皮外伤唔觉痛,裕美帮佢搽啲Cream搞掂。
受皮外伤 林作话当晚只系受皮外伤唔觉痛,裕美帮佢搽啲Cream搞掂。
赢波输盘

向教练赞林作做到教佢嘅心法同战术,算系赢波输盘。
赢波输盘 向教练赞林作做到教佢嘅心法同战术,算系赢波输盘。
用错策略

向教练指锺培生团队用错策略,根本一开始就要消耗林作体力,然后好似「麻鹰捉鸡仔」咁包住唔畀佢游走再系咁扑傻瓜。
用错策略 向教练指锺培生团队用错策略,根本一开始就要消耗林作体力,然后好似「麻鹰捉鸡仔」咁包住唔畀佢游走再系咁扑傻瓜。
「加码」走数

Henry指锺培生赛前曾出post,已接受林作「加码」提议,如果KO唔到就跟佢师兄Henry打过,但至今仍未找数。
「加码」走数 Henry指锺培生赛前曾出post,已接受林作「加码」提议,如果KO唔到就跟佢师兄Henry打过,但至今仍未找数。
变得低调

赛后赢家锺培生变得低调,只系出post多谢制作团队举办咗个完全冇政治色彩嘅娱乐活动。
变得低调 赛后赢家锺培生变得低调,只系出post多谢制作团队举办咗个完全冇政治色彩嘅娱乐活动。
另眼相看

经过「林锺一战」,林作支持者明显上升,唔少网民对他另眼相看。
另眼相看 经过「林锺一战」,林作支持者明显上升,唔少网民对他另眼相看。
下巴轻轻

今年5月锺培生睇林作处男擂台战时,曾在IG Story开live向林作及其师兄李俊亨(香港散打冠军)挑机,话一日内可同时间KO两人但最后走数。
下巴轻轻 今年5月锺培生睇林作处男擂台战时,曾在IG Story开live向林作及其师兄李俊亨(香港散打冠军)挑机,话一日内可同时间KO两人但最后走数。
關鍵字

最新回应

關鍵字

相關新聞

热门文章