独家丨区瑞强唔敢搵老友曾志伟撑场 疫情下相隔4个月再开骚
2021-09-16 23:15 
65岁的区瑞强（Albert）继6月举行《我家您再重聚演唱会2021》，事隔4个月，将于10月15至17日一连三日举行《相识在童年知心50载演唱会》。Albert谓今次会邀请逾10个嘉宾演出，反而每年开骚都会力撑他的曾志伟，他直言今年不敢打搞对方，又透露将有神秘女嘉宾难得现身。撰文：杜淑霞 摄影：沈健程
Albert解释一年开两次骚，因去年受疫情影响，决定多Book几个场地作准备，最终文化中心和伊馆都得先后有期，他觉得机会难得就算开得密都冇所谓，而且今次仲可以有8成半入座率，已觉得好安慰。而今次会继续以往传统，邀请不少嘉宾好友参与一齐玩，譬如有传统嘉宾班底的修哥胡枫，「佢未去红馆开骚我已经搵佢做嘉宾，嗰阵时佢都唔系好知点唱歌，仲好担心，但系唱得两唱开始起瘾，红馆之后更加唔惊，佢而家唱到唔愿走。」
用唱歌技术养声
不过有个传统撑场的嘉宾，Albert今年不敢再请，「我直情同佢讲，『我唔敢请你！』嗰个就系曾志伟，佢年年都嚟，佢真系撑我撑得好紧要嘅人，我永远都记得好感恩，有一年佢做《奖门人》第一集飞咗去马来西亚撞到应，但佢都飞返嚟唱只歌先再飞返去，今年我亲眼见住佢忙到咁，而家佢7点钟就返工开会，今年唔好搞佢住停一停先。」除了传统年年出现的嘉宾外，Albert今年还邀请了第一次现身的郑子诚及魔术师甄泽权，还有一个神秘女嘉宾，「佢起码10年冇做嘉宾我哋系最佳拍档，我整个剪影喺度畀大家估吓。」
除了开骚外，Albert长期主持电台节目，仲会在个人频道拍片唱歌，用声程度极高，所以他近年都有开始养声，「后生唱咗20年，由中学开始唱，完全唔需要护声，照食辣嘢热气嘢饮可乐，仲唔瞓觉，但嗰时后生嘛！年纪渐长觉得抵抗力冇咁好，而家唔食煎炸嘢，辣椒又戒，味精浓嘅嘢好敏感，听日要唱歌就唔食，养声最重要自身嘅训练，我用声用得好多，好多时系靠技巧，譬如朝早未开声，用另一把位发声，我有学过声乐，反而系用唱歌技术去保养声音。」
最新回应