【星岛独家】为拍MV地狱式操肌 Anson Lo烈日下晒麒麟臂系咁跳

有「教主」之称的卢瀚霆(Anson Lo)于7月推出《不可爱教主》，MV更冲破600万点击率，近月又要筹备新歌《Mega Hits》，更为拍摄新歌MV而进行地狱式操肌。

日前，Anson Lo现身西贡拍摄MV外景，烈日当空下着住白色背心加白色长裤，一身「白马王子」Look，加埋一对经长时间锻鍊出嚟的麒麟臂相当抢眼。当日下午团队先在酒店小教堂拍摄，Roll 机前Anson Lo 把握时间跟Dancers排练，一埋位即系咁跳 ，之后转到户外，团队更出动吊臂机协助拍摄，相当大阵象！

Anson Lo 之前在IG限时动态透露：「MV开会完毕，累，但一起合力confirm到整件事的制作，安心多了，辛苦大家 ～」教主亲力亲为参与制作过程亦不忘感激团队。知情者透露：「今次MV拍摄好赶急，不过团队都落力系最短时间做到最好，原本一日拍晒，但系想画面上再丰富啲，多啲唔同嘅场口，所以决定分两日拍摄。花姐同Anson Lo都畀咗好多意见，所以MV会有Story line ，有几个嘉宾参与，仲搵咗个曾经合作嘅『重量级』女艺人帮手，对方仲多次自认系『镜粉』添！ 」