【独家】推出自家品牌月饼义卖 黎诺懿获老友郑伊健无限量支持
2021-09-13 23:53 
黎诺懿创立个人品牌「店小懿」3年，年初喺疫市下推出贺年糕点，仲为九龙乐善堂筹得50万善款。由细到大视中秋节为重要节日嘅诺懿再挑战中秋月饼，扣除成本后全数拨捐乐善堂过渡性社会房屋计划帮助有需要人士，善举更获老友郑伊健夫妇全力支持，蒙嘉慧慷慨说：「畀张单我ok喇！」采访：方骞平 摄影：叶君海 场地：寛巷子@海港城
今次推出月饼，好有善心嘅黎诺懿讲明一蚊都唔赚，他豪气说：「赚少少赚嚟仲乜？」YoYo答应会无限量支持：「呢啲朋友边度搵呀？至于要佢认购几多盒？哈！咁要睇我哋销情，从来唔使同伊健悭钱，我谂由佢哋捐100至200盒好合理，除咗佢哋两公婆，黎瑞恩同埋一啲无名氏都乐于响应。」上次嘅贺年糕点除咗扣除成本捐去做善事外，同样有善长认购月饼后捐往善慈机构，变相双重筹款，黎诺懿为咗减低成本增加善款，他更同拍档林柏希亲自送暖，送足十日做到身水身汗，谂起都辛苦。
经常同伊健一家过中秋
问到点样答谢伊健咁帮手？黎诺懿笑言会预留一个首创嘅20黄巨型月饼，到时他和家人到伊健家中赏月时齐齐享用：「如果佢哋留港，每年嘅中秋、农历新年都会一齐过，我同伊健真系好有缘份。」讲到太太李洁莹（Nicole）怀孕5个多月，问他可有感染到伊健做爸爸？诺懿却说：「有啲人未必锺意有BB，可能佢仲未玩完呢？尤其生咗小朋友后就会冇咗自己，乜都以家庭行先，包括生活及工作方面。」
最新回应