难得在港即Gathering 上山诗钠收梁朝伟《尚气》签名 Figure

我们的影帝梁朝伟呢期出镜率好高，因为佢主演嘅Marvel首部华裔超级英雄电影《尚气与十环帮传奇》啱啱上映，已有约1.5亿美元票房（约11.6亿港元），成绩相当好。

身处香港的梁朝伟日前就畀《头条日报》影到佢出入中环，见佢仲揸紧起码揸咗15年嘅黑色Range Rover Sport，背囊都孭咗超过4年，超级长情。对死物都咁专一，对人就更加，佢一喺香港就会约老友饭聚，包括同佢两公婆都好Friend嘅上山诗钠，除咗又饮又食，上山仲有礼收，就系梁朝伟戏中角色「徐文武」嘅Figure，个盒仲有上款同亲笔签名，佢就好啦。