好奇参赛改变了一生　炎明熹：冇谂过会行到呢个地步

炎明熹（Gigi）在TVB歌唱比赛《声梦传奇》中，以大热姿态成为三料冠军，日前应「See See TVB」FB专页邀请，以大师姐身份呼吁大家报名参加第二届《声梦》比赛。主持人安排Gigi重看三个月前拍的一段短片，片中的Gigi问三个月的自己还好吗？有否发呆？希望自己可以笑多一些，世界会更美妙，Gigi搞笑地说：「一啲都唔好，仲有发（紧呆）！」

其后主持又问到Gigi在这几个月的转变，她说：「发型变咗，不过正经啲嚟讲，应该系成熟咗。我系一个成熟嘅人，点解觉得自己成熟咗？其实冇得觉得点解，可能系个比赛，有阵时喺个比赛入面啲嘢未如理想，但要学识接受，因为次次玩法、各样嘢都唔同，所以就算失败咗或者成功咗，我觉得自己年纪又大咗少少，心智成熟又成熟咗少少，所以我觉得而家我系百毒不侵。」重提当日为何要参加《声梦》，Gigi笑说：「系因为喺电视睇到个太空人，我起初唔觉得呢个系唱歌比赛，太空人又关唱歌比赛事？ 好好奇咁我就参加罗，仲系一个咁好嘅机会，同埋系唔使钱。」再问有否后悔过参加比赛，Gigi说：「咁又冇喎，因为觉得好新奇，每次做嘅嘢都唔一样，所以系冇乜后悔，唔系，系冇后悔！可能系第一次拍嘢，同埋个个发型系99度转变，唔系，系360度！」

Gigi又表示在比赛初期，对自己很有自信，亦发觉其他人一起进步中：「有阵时我去到啲樽颈位，好似又要行前，好似行唔到，行后又行唔到，好似kick住咁，所以冇谂过会行到呢个地步。」她又说：「我将以前参加比赛啲经验都有运用喺今次，但系今次又好似好唔同，可能留喺拍摄同日常生活用。」将来的计划，Gigi希望可以继续做好唱歌这件事：「呢件事的确系比较擅长嘅嘢，之后再学好啲自己嘅兴趣，可能结他要做好啲。」Gigi亦即场呼吁未报名的朋友：「虽然喺呢个比赛入面，你参加紧嘅嘢都未如理想，但系只要你个梦想喺度，人生咁多机会畀你尝试，点解你唔尝试呢？」