【独家】老公做「阿四」任佢点 湛琪清怀孕五个月享受做女王
2021-09-06 01:06Video Player is loading.
This is a modal window.
The media could not be loaded, either because the server or network failed or because the format is not supported.
汪诗诗表妹湛琪清（Jessica）2019年下嫁潘廸生外甥金承威，享受咗两年二人世界，Jessica现已怀孕5个月。准妈咪心情既紧张又兴奋，尤其享受奉旨做女王，她开心说：「𠵱家我想食乜就会叫老公入厨房帮我拎，奶奶叮嘱我唔可以攞重嘢，出街买嘢又系由佢攞，我反而变得好轻松呀！」采访：方骞平 摄影：叶君海 场地：Lobster Bar@港岛香格里拉酒店
湛琪清系个开心孕妇，怀孕后全家人都锡到佢燶，过住女王嘅生活！连大牀都霸咗大半张，老公为免反瞓撞到佢要靠边瞓！她笑说：「圆圆和诗诗传授孕妇及产妇心得，如少食多餐，饮多啲水，戒酒戒咖啡戒海鲜，坐月坐得好将来能减少腰痛。至于奶奶落旨叫佢(老公)对我好啲，我好少见佢咁乖㗎！」
转口味爱上菠萝包
Jessica自爆大肚后都会有啲小脾气：「有次同佢提咗十几次话想食冬甩，点知佢竟然若无其事，最后由佢朋友代劳买畀我食；而初孕时易攰，佢唔知我辛苦安排咗好多饭局，我忍唔住好严肃同佢讲『我好攰唔想出去！』吓到佢打个突，好紧张同我Say sorry！哈！但平时我唔系咁嘅。」Jessica为金家开枝散叶，问到奶奶送乜做奖励？她强调：「佢会煲汤、买有机菜同埋买菠萝包畀我食，自从有咗之后口味有改变，特别锺意食甜嘢，特别系旧式饼铺嘅菠萝包，日日都想食，有菠萝包食我经已好满足喇。」
關鍵字
最新回应