对煮儿童餐好有心得　张震岳整玉子烧囝囝食晒

张震岳同老婆小涵于18年结婚，同年9月做老窦，囝囝「小谷沐」月尾就3岁嘞，以前唔多讲私人嘢嘅阿岳因为有囝囝好快乐，而家好愿意开心分享凑仔乐事，仲讲到明恨生女，不过再系仔都无所谓。

阿岳好照顾囝囝嘅食同玩，成日孭住BB「小谷沐」去游山玩水，到囝囝大个啲，又教佢玩滑板车，仲赞囝囝学嘢好快上手。讲到最开心就系每次整嘢畀囝囝食都会食晒，有人捧场阿岳都煮得好开心，噚日佢就整咗个餐包夹蛋畀囝囝做午餐，「妈妈牌餐包+爸爸牌玉子烧+枫糖=简单又好吃，小朋友最爱💗」，睇卖相的确好吸引喎。