妈妈患分离焦虑症 Lucy放学后首要医肚同shopping

李璨琛的3岁女儿Lucy李元元，9月1日正式返学，好叻猪，不单只冇喊，仲好兴奋摆晒pose畀心心影相。相反，Lucy妈系最唔舍嗰位，话好想同个女玩多阵，5岁先返学最好。

前日（2日）Lucy妈post出Lucy瞓觉嘅相，并且分享阿女返学情况，最重要系继续讲出自己有几唔舍得个女，唔舍得到想去学校做校工。Lucy妈写道：「第一日放学后，老母问佢返学开唔开心，佢第一句答老母：『我好肚饿啊！』讲完肚饿之后，佢问老母：『咁我哋而家去边？』老母问返佢：『咁你想去边？』佢话：『我想去shopping。』」

Lucy性格好动贪玩，妈妈问佢返学做咗乜，佢净系答「玩罗」，虽然有同学仔爆喊，但佢就冇。Lucy妈好惨咁话：「老母最想喊。 #早抖啦 #系呀系老母患上咗重嘅分离焦虑症 #佢可能听日就申请去做校工」

Lucy妈挂住个女似乎冇乜人关心，网民继续将焦点放喺Lucy身上，留言：「放学去shopping，笑死」、「返学唔喊证明佢见惯大场面」。