靠朋友走出低潮丨曾患抑郁终日流泪 简慕华：对住块镜闹自己

44岁的简慕华在2017年低调结婚后便淡出幕前，并移居加拿大，直到今年回流返港拍摄ViuTV改编剧《大叔的爱》，今次除了与好拍档黄德斌合作外，还与MIRROR的Edan、Anson Lo、Stanley等人合作，想不到竟然擦出火花，得到不少网民关注。简慕华坦言今次相信是因为德斌的关系，令她有机会参与演出，她说：「我觉得因为导演搵咗德斌，所以咪谂起我，因为我同佢好多套戏都好夹，咁啱呢一套剧制作得好匆忙，想搵一啲合拍啲嘅人去做，喺时间上会快啲，就谂起我，我估系咁。」

简慕华坦言一直都有人找她拍剧，但因她身处加拿大，所以不会刻意返香港：「呢套讲到实牙实齿系德斌做，时间又啱啱好，我就返嚟搏一搏，要隔离都制！嗰阵要隔离21日，好长时间。」戏内两人给人老夫老妻的感觉，戏外两人亦是好朋友，简慕华说：「我哋都成日出嚟玩、食饭、睇戏同倾偈，佢啲生活习惯、饮食、思想模式都同我好似，好多嘢都系互相影响。」

曾有提到黄德斌因工作经历低潮时期，而令情绪出现问题，简慕华坦言自己都曾经历情绪低落，不过是因为家人及感情方面：「工作都会有少少影响，但系我唔会睇得咁重，我都好似德斌形容咁，都系曾经试过严重到唔想出街、唔想见人，终日喺度喊，试过连睇周星驰、卡通片都喊呀！我知道系要睇嘢去分散自己注意力，咩方法都试过晒，但都系升唔返起个情绪。」

直到有一次她照镜，终于令她正视了问题：「我同自己讲，你真系好唔掂，唔可以畀自己再沉沦落去，于是我就上网搵抑郁嘅病徵，十个里面十个中晒，我就知道不得了啦，如果唔再医自己，就系咁先㗎嘞。」最后她先向朋友倾诉，再出去享受大自然的声音，感觉好舒服，经过一段时间后，慢慢从谷底爬返上来，唔使食药，我就正常返晒。」