谢影雪睇完音乐剧想集邮 Serrini唔认得「邓谢配」尴尬耍冧

风车草剧团音乐剧《孪孪成人礼》昨日圆满结束，东京奥运港队羽毛球代表谢影雪和邓俊文都有睇骚，原来谢影雪是主演之一Serrini（梁嘉茵）的Fans，她完场后找偶像合照兼留言：「令我耳朵怀孕嘅女人」，不过Serrini就在社交网自爆唔认得「邓谢配」！

Serrini表示知道有两个人想找自己影相，但她就令气氛相当尴尬：「出到去有人介绍『呀，佢哋就系XXX同XXX啦～』我话Who dat？但系我个friend望住我，原来系奥运攞奖牌嘅人嚟嘅（注：「邓谢配」是东奥羽毛球混双第四名）I'm verli sorry因为我记人名同埋样真系非常差......」

Serrini再道：「跟住我话：『最近我都买左块羽毛球拍打吓』，然后同隔篱队友s chitchat话：『gel甲真系唔适合打羽毛球呢』」，令「邓谢配」听到都唔知畀咩反应好！她也不禁表示自己「好X」，事件亦被粉丝耻笑：「系咪谢XX、邓XX😂」、「呢度讲呢度散开去」、「你玩羽毛球个画面，我只联想到扑蝶」。此外，同样有份演出《孪》的其他演员亦有与「邓谢配」集邮，而身为「镜粉」的谢影雪，今日在IG透露收到MIRROR粉丝自制的应援物。