【独家】羡慕阿仪爆红出揽枕有戏拍 张可盈凭34D做亚视二姐
2021-08-29 22:41 
2019年亚姐《最完美体态小姐》得主张可盈(Natalie)以队长身份，带领今年候选亚姐接受挑战。讲到新一届亚姐(香港区)将于9月25日诞生，就连面试时已被Foul嘅薛影仪（阿仪）都被追捧，张可盈强调呢两年经已装备好自己，唔怕冇碇企，不过，都好羡慕阿仪咁快就爆红，仲做埋「亚视一姐」。采访：方骞平 摄影：叶君海
张可盈拥有34D激爆身材，只可惜丰满身材帮唔到佢带来名和利！张可盈回忆参选时好有自信心：「当时恃住自己身高1米75高人一等，身材平均，而且识唱歌、跳拉丁舞、同埋弹琴都有啲才华，仲有浸大学历，点知都系得个《最完美体态》奖，可以畀到我入行机会咁罗。其实任何演出机会都想试吓，亦唔介意着泳装演出，有机会做到晶女郎都唔错嘅，但平时唔会刻意着得性感去卖弄身材。」
欣赏阿仪够真
Natalie又羡慕阿仪咁红：「市面出咗佢嘅双面揽枕，佢仲有广告同有戏拍，真系好犀利呀！我唔会同佢争，反而要向佢学习，因为啲网民锺意阿仪个人够真同埋够自信，呢啲我未必做得到，不过阿仪的确好可爱，有次佢喺公司见到我会好奇追问『你坐乜返工？』『有冇听我唱歌？』『有冇睇我报道？』其实我都支持佢㗎！见佢出嚟一星期就做到『亚视一姐』，哈！我唯有做『二姐』啦！我好失败呢！」
關鍵字
最新回应