感激好友相伴走出小产阴霾　林熹瞳：呢个人令我生活更完整

现年36岁的「怪谈女」林熹瞳（Rachel）在今年4月表示怀孕八周，但检查发现BB没有心跳，惟有与老公何思哲与BB好好告别，并感激朋友和和网民的关心。虽然表面上Rachel似乎走出阴霾，收拾心情重新投入工作，但内心深处，这份伤痛实在需要一点时间去复原。日前Rachel在社交平台撰写长文感谢一个人。本来这一篇很久以前已想发的文章，但她不想欺场，所以留待这一天，可以静静坐下来不慌不忙地去打这一篇文章：「如果我是男人，我一定会追她！呢个人令我生活更完整了；她不懂甜言蜜语，系一个不折不扣的行动派；她系非常好的聆听者；自认识后，她几乎参与了我人生所有大事，她已经融入我家中！」

Rachel表示自从BB离开后，她封闭了自己，基本上除了老公外，任何人都不会见：「日日人唔似人、鬼唔似鬼！呢个人（Maggie）突然冲上嚟我屋企，我其实忍唔住反咗一个白眼，因为我状态太差，太丑样，满心愤怒和哀痛，根本唔想见人。但冇谂过，我倾倾吓开始打开心扉，同佢倾咗8个小时，由张床倾到出沙发，无论我发怨气，分析件事，定由盘古初开讲起我的心路历程，佢都照单全收，佢系好用心去听，去感受我嘅感受。那天起，我终于肯落街，但一落街先发现原来身体真系差咗好多，行去超级市场买啲嘢，都要唞足一日。」

她又称当日收到通知要出席《逆天奇案》宣传活动，当时内心实在很纠结，一方面非常想出席，但另一方面又担心身体状况：「我胆粗粗地打电话去问她，可否陪我去宣传？她竟然话昨天已经攞咗大假，预咗陪我去，就算我唔俾，她都会跟著来！结果连彩排，一个半月内，前后分别陪我去咗7-8次左右，她每朝买定早餐上嚟我屋企接我出发，去到TVB只系当自己系助手，不停帮我拎嘢，照顾我饮水，帮我瞻前顾后，如果冇咗佢，我相信我真系做唔到。结果宣传期完咗，我亦都康复了。」其后亦因为Rachel的一番话，Maggie陪她返教会：「我同佢讲咗一句，『希望喺永生国度，会有你出现，如果见唔到你我会好唔开心！』之后佢就跟我返教会，每次都系由屯门去到香港仔华富邨，而家仲报咗洗礼班，差不多个个星期要去上堂。」