【独家】举行纪念展览传递爱要及时 陈积荣女友望做艺术治疗师帮助病患

前TVB艺人陈积荣（Jeff）今年5月因肺癌离世，跟他拍拖10年的女友李凯淇(Lillian)为Jeff举行展览会，到时首播Jeff偷偷为Lillian创作嘅求婚歌《记住我们》，回忆当日片段，Lillian哭著说：「我喺ICU听完首歌，见讲唔到嘢嘅Jeff眼角带泪，我同佢讲『我收到喇，我答应求婚但来世再相见！』」采访：方骞平 摄影：张咏森 场地：JOMO Kitchen & Health Hub

「《记住我们、好好说再见！》个人展览 」由本月27日至30日于中环Annex举行，Lillian希望令大家对Jeff有更深入嘅了解及传递「爱得及时」信息。Lillian眼中嘅Jeff冇脾气仲好好人，好顾别人感受：「佢从来冇放弃过抗癌，所以冇谂过咁快会离开，世上冇乜人好似佢咁勇敢，而且佢好努力，为咗追演艺梦就算冇人工都一直做呢行，遗憾才华未展现。」

少啲埋怨多啲欣赏
Lillian明白每个人都可能会有怀才不遇，工作亦会遇到挫折，甚至健康出问题嘅时候，她提醒大家少啲埋怨，多啲抬头去欣赏呢个世界而唔系所有嘢都向钱看：「每个人、每件事、每个经历喺生命上都有得著，Jeff嘅离世对我嚟讲失去好多亦都得到好多，朋友话『你以后冇乜嘢再惊！』我希望将学到嘅嘢帮到人，日后成为艺术治疗师，原来陪伴、聆听、同分享对病者好重要。」