【独家】欣赏Edan多才多艺陈洁丽努力向年轻歌手学习

2021-08-25 00:37

阔别香港舞台3年，「Hi-Fi天后」陈洁丽（Lily）将于9月12日假旺角麦花臣场馆举行《陈洁丽唱奏会2021》，今次Lily由经典金曲《从不知》唱到近年Hit歌， Lily亦跟得好贴，好欣赏多才多艺，自弹自唱嘅MIRROR成员吕爵安(Edan)，仲话演唱会有可能拣唱《E先生连环不幸事件》。采访：方骞平摄影：梁志明发型：Philip lee 化妆：Kenneth Wong 场地：兴明亚洲工程有限公司

38岁陈洁丽冇「吹水」，冇畀记者考到，即席清唱咗两句呢期最爱嘅Hit歌《E先生》，坦言呢首歌喺佢演唱会嘅选单入面：「我唔算系镜粉，但有关注佢哋啲作品，因为音乐团队会提供好多资讯畀我，我特别欣赏Edan，因为佢会自弹自唱好有音乐才华。」

活到老学到老
Lily唔怕年轻偶像充斥乐坛，她信心满满说：「每个艺人都有唔同特色，歌艺都唔同，我喺佢哋身上都学到一啲我唔知道嘅嘢，做歌手要保持开放态度，唔好固步自封，我好锺意吸收。(会唔会邀请佢哋合作？)我唔敢喎！佢哋咁犀利。」至于Fans最想听Lily演绎邓丽君嘅歌，不过喺演出前，歌单都有调整。另外，今次陈洁丽更有突破性演出，除咗挑战四面台外，仲会有别以往的音乐会，只有4位琴手作伴奏，所以都几紧张。