否认逼婚不成分手收场 李佳芯：唔会因为一个原因

李佳芯（Ali）今日到荃湾宣传剧集《智能爱人》，获大批粉丝到场打气，她称已久未出席公开活动见粉丝，透露私下有与粉丝见面，一同与视障、听障及长者等进行共融活动，问到可会考虑成立基金或慈善团体，她称：「如果我有这种影响力也希望做到，可以帮更多人，其实这是粉丝们自发，即使我开工他们也会组织活动进行探访。」

Ali近日受访坦承因为逼婚不遂而与男友陈炳铨分手，她表示：「其实嗰阵系美容代言活动宣传，冇谂过会变咗做感情事摆咗喺杂志封面，其实内容唔系我想去讲，一向以嚟感情事我都唔会讲太多，总之唔系因为结婚不成而分手，可能是标题令到事情夸大咗，（分手）唔会因为一个原因，原因我哋自己知。（再拍拖会唔会再主动提出结婚？ ）呢个年代最重要系，觉得感觉啱就去做，女仔唔会唔可以求婚，如果有对象，为咗将来其实边个提出都冇问题，大家有心行落去，呢个话题点都会讨论，最重要系有共识，几时达成要讲缘份。」

另外，Ali更被指近日迁入大角咀三千万豪宅，她表示：「可能有几次喺嗰度出入，大家就以为我住喺度，我觉得够住就可以了，多谢大家关心，我会努力储钱令到自己同屋企人有更好生活，我都想买楼，但系搵钱真系好辛苦，要睇定啲先可以。」