【独家】《智能爱人》扮保安员智能人泰臣被迫要疯狂剃毛

2021-08-18 22:45

泰臣最近在新剧《智能爱人》饰演保安员智能人「Rocky」，本来扮智能人肢体动作已不容易，有时仲要扮冇表情似打了botox一样，最惨智能人皮肤不会有体毛，监制要求他露皮肤戏份就要剃毛，令体毛旺盛的他被迫要步入经常疯狂剃毛的日子，终于明白女人之苦，他更形容似剃了毛的毛孩一样好唔习惯。采访：杜淑霞

泰臣最初获监制陈翘英邀请演出时，已觉得角色相当好玩，「今次演呢个智能人『Rocky』，系会有旧版同新版两个阶段，演绎上两个会有几大分别，旧版个设定系要保护人类，所以会比较单纯，乜都以人类利益为先，所以保安员好朋友蒋志光见我咁易恰，就会就日使我，后尾变咗新版又会因为有人工智能，会学识咗点样去做真正嘅人类，慢慢变得复杂好多，个变化系会几有趣㗎！」

似打botox冇表情

由于旧版智能人个机械感要比较强，所以泰臣除了肢体上有分别外，连说话声线都为角色专登做了一些设定，「形体上我都有信心嘅，但条腰会攰啲，因为成日净系转个上半身，仲有面部表情有时要好僵硬，我唯有当自己好似打咗botox咁冇乜表情，至于把声我会比较鬼马啲，会模仿快译通嗰啲腔口讲嘢，而讲嘢因为系机器械式罐头答案，要记得好熟先至似，呢方面会有啲难度。」

不过相对于这些演绎，泰臣都觉得只属小儿科，这个剧最困难反而是要露肉戏份，因智能人冇可能有体毛，于是监制要求他见皮肤就要剃毛，「见毛就要剃，可能对好多人冇乜问题，但系我系体毛比较旺盛嘅人，单系着短袖衫我已经着不多要日日剃，而且我咩方法都试过，大部份都系好痛，终于明白做女人真系好辛苦啦！最大镬有场讲麦美恩帮我冲凉，我要扮全身冇着衫喎！即系我要全身大部份地方都要剃啦！哗！呢次真系好惨，剃完对脚之后，我明白咗点解啲猫猫狗狗，剃完毛会咁唔适应，因为我都好唔适应，完全觉得对脚好似唔系自己咁样，个感觉真系好奇怪，仲会突然间觉得个人好冻㗎！好彩只系得一场戏系咁，如果拍长啲真系顶唔顺呀！」