相隔3年再开骚 49岁赵学而感激乐迷：买咁贵嘅飞嚟睇一个老女人

首场《赵学而我们的音乐会》昨晚（22日）于九展Music Zone举行，全场爆满。学而穿上白色娃娃裙及戴上毛毛后冠登场，以《谪仙记》揭开序幕，唱毕后她要求全场歌迷以最热烈强劲的掌声送给自己，49岁的学而自嘲：「你哋实在太癫啦，咁贵嘅飞都买嚟睇一个老女人。」歌迷即以「我爱你」作回应，学而笑言：「你哋爱我？我老公喺度㗎，我都爱死你哋。今次会唱一啲以往好少唱同冇唱过嘅歌，所以好大压力，当年唱嗰时仲系少女一个，依家几多岁呀，唱番都惊。」

学而透露演唱会本应于2019年11月举行，并构思好音乐会名为《寻开心音乐会》，但鉴于当时环境大家都不开心故决定延期，「2018年做完骚，一年后想做个细骚开心吓，世事往往预计唔到，呢样又话唔做得、呢度又唔去得，好彩场地畀我哋一拖再拖。由于我哋公司细细冇乜sponsor，50%同75%入座率真系蚀到入肉。」

当学而感谢乐队时有感而发，指现时生于疯癫的世界，希望自己选取的歌曲可以令大家心灵上得到纾缓困倦，最想大家生活得舒服及开心，且叫大家加油。随即为了缓和沉重气氛，立即呼吁观众散场后要到小卖部买T恤及明信片，她解释推出明信片因为近来很多朋友移民。「呢几个月好多朋友一家大细去第二个地方生活，我有啲唔舒服，香港系我成长嘅地方，要转个模式去第二度生活真系要好大勇气同妥协，所以出明信片令走咗嘅人有少少回忆牵挂呢个地方。」最后学而于音乐会尾声邀请了吴肇轩上台「陪唱」，吴肇轩表示第一次担任「不唱歌的演唱会嘉宾」，最后更以侧手翻赠庆。