【独家】44岁做歌手被网民留言闹咁老仲唱 陈展鹏霸气反击:你咪唔好听罗

5年前，陈展鹏成功挑战视帝宝座，3年前展开人生新一页结婚生女，今年再下一城，踩入乐坛做「天盟娱乐一哥」，推出新歌《零岁》。44岁才出歌，展鹏坦言未进攻先捱轰：「网民留言话我『咁老就咪唱啦！』，言论自由嘅，但我都有选择，可以delete同Block留言。」不过经常被网友取笑的展鹏身经百战，霸气反击，「唱歌又冇犯法，影响到你咪唔好听罗！」采访：方骞平 摄影：梁志明 化妆：Gabbie Lee 埸地：唯港荟 Hotel ICON

陈展鹏新歌《零岁》系唱畀「前世情人」小猪比，希望囡囡做个Happy Baby，「歌词真系好到肉，系我嘅心声，最初畀个headphone小猪比听，佢兴奋到由个心笑出嚟，见到佢咁嘅反应，我都好开心。」

老婆听练歌话听到好攰
陈展鹏于21年前曾签过宝丽金(现时环球唱片)，跟陈奕迅、谢霆锋同期出道，但只在杂锦碟出过单曲，𠵱家才算圆歌星梦。不过，目前香港乐坛年轻化唔同晒，作为「老新人」嘅展鹏坦认格格不入：「其实唔好讲喺娱乐圈，就算外面都会分开年龄层，大家唔想接触大家嘅嘢，好彩我老婆单文柔唔out，佢喺屋企听到我练歌，摇晒头话『点解唱得咁惨、咁用力嘅？听到我好攰，𠵱家啲歌唔系咁。』系佢提点我要去学咬字同埋唱歌，事实上用90年代嗰一套系唱唔到𠵱家啲歌，𠵱家啲key唔止偏高，好似散文咁，好有含意。」

反击被评成身亚视娘味
展鹏预咗出歌会被评头品足，他坦承：「有网民问我『点解无端端要去唱歌？』甚至话我『咁老就咪唱啦！』网上文化言论自由，讲嘢好直接。不过，做人要懂得消化同分析件事啱唔啱，如我锺意食鱼生，唔通香港唔兴就唔食咩？唱歌又冇犯法，影响到你咪唔好听罗！如果过份评击我咪delete留言，再嚟人身攻击，我就会Block，我都有得选择评语㗎嘛。」他又不吐不快：「正如网民话『陈展鹏隔住个mon都闻到亚视阵娘味』、『有一种连镪水都洗不走的亚视娘味』我系喺亚视做过，喺入面学到好多嘢喎，咁『好亚视』有乜问题？既然唔系个个认同，只好做实事。而且，我觉得音乐唔分年纪同男女，最紧要有共鸣可以感动人，麦当娜年纪够大过我啦，佢咪一样出新歌？」

开心香港乐坛百花齐放
因为做歌手，陈展鹏𠵱家好留意乐坛：「最Like林家谦作品，仲有张进翘（Manson）、Dear Jane、郭伟亮等，MIRROR好值得留意，因为天时地利人和，好难得香港有队组合有追星嘅感觉。乐坛需要唔同元素，由当年谭咏麟同哥哥，到四大天王，咁先会百花齐放。」他认为，唱歌有新嘢玩，有嘢学，个人才会有进步：「拍剧演来演去都系警察、医生、律师，我都有好大压力，惟有喺角色上加入新元素。」