维港会｜东奥夺两银获恒基奖500万「鬼妹仔」何诗蓓爱鸡蛋仔多过汉堡包

2021-08-19 10:11

东京奥运勇夺两银的「女飞鱼」何诗蓓，昨日出席恒基嘅颁奖礼，领取合共500万嘅奖金。佢同大家玩快问快答，披露佢系一个好实际嘅人，比起破世界纪录，佢更想保留一世嘅奥运金牌，因为纪录始终有人会打破，金牌在手，就一生一世。「鬼妹仔」面孔嘅佢，原来锺意食鸡蛋仔同埋格仔饼多过汉堡包。大家下次见到何诗蓓，记得话佢知边到嘅鸡蛋仔最好味！

作为泳手，何诗蓓对打破世界纪录嘅兴趣唔大，因为日后亦有人游得更快，所以佢想要一面奥运金牌，天长地久地保存。

被问到如果要拣50岁游九届奥运先拎第一个金牌，定喺30岁连赢三届夺银牌后退休，佢话会拣30岁连赢后退休，因为自己仲有好多嘢想做。何诗蓓仲透露，呢个星期后就会去欧洲训练，努力备战嚟紧嘅国际赛。

同时，何诗蓓都有教大家读佢英文名（Siobhan Bernadette Haughey），发音大概喺「诗旁．蓓尼迪．何希」，因为系爱尔兰名字，所以唔喺读成萧邦呀。大家学识后，下次见到佢，用正确发音叫佢呀！

恒基地产举行「精英运动员嘉许计划」颁奖礼，向港将健儿颁发合共逾1,937万元奖金，其中空手道项目摘铜的刘慕裳，获得125万元，乒乓女团收获铜牌的李皓晴、杜凯琹及苏慧音获得250万元，其他打入八强的运动员，亦分别获得30多万至125万元不等。