挥杆姿势好标准　朴叙俊拍Marvel电影前空档去打Golf

韩国男星朴叙俊落实加入《Marvel队长2》，不过起行去美国之前，要先完成灾难片《水泥乌托邦》拍摄，趁有空档即去玩最近喺韩国好Hit嘅高尔夫球。朴叙俊拍低挥杆一刻，虽然得背面睇不过都好满足，原来佢手臂嘅「老鼠仔」都几Firm，男神又大赞其高尔夫球教练系「Great teacher（好老师）」卖口乖。个波嘅路线似乎用App可以追踪到，因为短片画面上出现一条红色抛物线，劲似玩体感游戏嗰阵，电脑话你知个高尔夫球飞咗去边咁。